1. 介紹自己
L: 大家好，我叫惠宜
W: 我叫振東
L: 我哋舊年農曆新年同大家拜過年，跟著亦去過探訪過十多個院友的屋企，大家認唔認得我哋呢?
2. 沒有出席去年聖誕節的原因
W: 可惜舊年聖誕節就有冇來Party，跟著又冇探訪大家。
因為惠宜係在十一月發現患上末期癌病。
想到很快便要死了。要离開我，好傷心。驚啦。喊啦。唔知點算。
3. 帶着喜樂去面對疾病的痛苦
L: 舊年十二月做完手術，跟住又做化療，都好辛苦，最辛苦的就是常常訓唔到，經常訓到一兩點就醒咗，仲有週身的關節都痛。
你哋有沒有常常半夜醒咗就訓唔返，有就舉手，又有無週身都痛呢，有就舉手，咁你哋點搞?
其實呢的手術和化療的副作用係好辛苦，但我想神咁愛我，我相信祂不會俾我太辛苦。仲有，我唔開心又是要面對，點解唔開開心心咁面對。當我醒咗訓唔翻的時候，我會祈禱或做吓野，享受晚上的寧靜，亦試過非常不舒服，不能落床，我就在床上祈禱，同神傾計，仲試過傾傾吓就訓著咗。而週身痛的時候，就休息同祈禱，將痛苦講俾神知，神很鍚我，通常痛一陣就會無咁痛。呢幾個月我帶着喜樂去面對，所以呢幾個月我覺得過得很快。東，你呢幾個月又點過?
4. 帶着平安去面對親人的患病
W: 知道老婆得咗末期癌症，怕失去老婆，好担心，唔知點算，又喊過。
開始學照顧老婆，煮嘢比佢食，咁大个人第一次。
佢試過係廁所同廚房暈過，我當時好驚…，好在同神祈禱比咗我地〝平安〞，个人慢慢定下來。
感謝神，雖然有啲辛苦，過程算順利。
只係需要六次化療就揾唔到癌細胞，都唔需要補針，中西醫都話神奇。
5. 總結：平安和喜樂是良藥
L: 睇翻過去呢年，我哋得多過失，得到最好的禮物就是神，祂和我哋一齊渡過人生痛苦的時候，祂更俾我哋平安和喜樂，有咗呢兩樣野，我們唔需要擔心，更不用找甚麼名醫。
W: 係呀，D醫生同中醫都話開心的会好快啲。開心會增加免疫力。
原來聖經已講過〝喜樂的心乃是良藥〞。我哋每日數吓開心的事情，例如呢次有好多人幫我哋，為我哋祈禱，又有人探我哋啦…，數吓數吓，開心的事情愈數愈多。
所以〝平安〞同〝喜樂〞幫我哋過咗一年。
L: 我哋今次來，就想和大家分享呢份耶穌基督誕生，帶給我們最大的禮物，就是遇到疾病或痛苦時，可以向神祈禱，求祂賜平安和喜樂給我們。係呢度祝大家聖誕節快樂，新年平安。
沒有留言:
發佈留言